Sergek kameralary arqyly elordada 500 myń quqyq buzýshylyq anyqtaldy
NUR-SULTAN. QazAqparat – Jyl basynan beri «Sergek» kameralarynyń kómegimen elordada 500 myń quqyq buzýshylyq anyqtaldy.Bul derekterdi Nur-Sultan qalasy PD Jedel basqarý ortalyǵynyń bólim basshysy Larısa Chırva keltirdi, dep habarlaıdy QazAqparat tilshisi.
«Jyl basynan beri beınebaqylaý kameralary arqyly 1 231 qylmystyń beti ashylyp, 13 myńnan astam ákimshilik quqyq buzýshylyq anyqtaldy. Sonymen qatar metkepke qoıylǵan kameralar kómegimen normaǵa sáıkes kelmeıtin 105 fakti anyqtaldy. Profılaktıkalyq jumys júrgizý úshin derekter bilim basqarmasyna jiberildi. Al jyl basynan beri «Sergek» kameralary arqyly elordada 500 myń quqyq buzýshylyq anyqtaldy», - dedi Larısa Chırva.
Elorda terrıtorııasynda 13 myńnan astam «Sergek» kameralary qoıylǵan. Larısa Chırvanyń dereginshe, aldaǵy ýaqytta kameralar quqyq buzýshylyq faktilerin operatordyń kómeginsiz, avtomatty túrde anyqtaı alatyn bolady.
