13:36, 25 Mamyr 2021 | GMT +5
«Sergek» elordadaǵy qoǵamdyq kólik jolaǵyna bólingen jolda ereje buzý jaǵdaılaryn tirkeıdi
NUR-SULTAN. QazAqparat - Nur-Sultan qalasynyń Polıtsııa departamenti bıylǵy jyldyń 26 mamyrynan bastap «Sergek» júıesi Qabanbaı batyr dańǵyly boıynsha aınalma jol aıyryǵynan (Qarqaraly tas joly) Syǵanaq kóshesine deıin bir baǵytta ýchaskede bólingen qoǵamdyq kólik jolaǵy boıynsha jol júrý buzýshylyqtaryn tirkeýdi jańartatynyn habarlaıdy.

Kórsetilgen baǵytta tıisti jol belgileri ornatylǵan, sondaı-aq osy jolaqtyń bar ekendigi týraly habardar etetin jol tańbasy salynǵan, búgingi kúni olardyń talaptaryn saqtaý mindetti bolyp tabylady.
«Elorda turǵyndary men qonaqtaryn barynsha muqııat bolýdy jáne jol qozǵalysyn retteýdiń qoldanystaǵy tehnıkalyq quraldarynyń talaptaryn basshylyqqa ala otyryp, qozǵalysty júzege asyrýdy suraımyz.
Jol qozǵalysy jáne qaýipsizdik bóligindegi barlyq suraqtar men usynystar boıynsha 53-27-74, 69-75-75, 71-69-77, whats app 8-708-382-13-76 telefondary boıynsha Nur-Sultan qalasy PD Ákimshilik polıtsııa basqarmasynyń koll-ortalyǵyna habarlasýǵa bolady»,-delingen Nur-Sultan qalalyq Polıtsııa departamentiniń baspasóz qyzmeti taratqan habarlamada.