Serfıng boıynsha álemniń 11 dúrkin chempıony eki jasar bala men onyń anasyn qutqardy
ASTANA. QazAqparat - 43 jastaǵy amerıkandyq serfer Kellı Sleıter naǵyz erlik tanytty.
Oqıǵa Gavaıdaǵy jaǵajaılardyń birinde oryn alǵan. Sara Ýaıt pen onyń 22 aılyq balasy Van jaǵajaıda qydyryp júrgende, olardy alyp tolqyn japqan. Abyroı bolǵanda, jaqyn mańda aty ańyzǵa aınalǵan serfer bolyp, áýeli balany, sodan keıin anasyn ajaldan qutqarǵan. Ol sondaı-aq ekeýin úıge deıin jetkizdi, dep jazady Eýrosport.
«Kellı Sleıterdiń qajet ýaqytta zaıybym men balamnyń qasynan tabylǵanyna shúkirshilik etemin. Bul uly adamǵa ómiriminńi sońyna deıin alǵysymdy bildirip ótemin. Búgin sondaı-aq kóp adamnyń ómirin aman saqtap qalǵan qutqarýshylarǵa da rahmet», - dep jazdy Instagramda otbasy ıesi Krıs Ýaıt.
Sleıterdiń ózi bolsa, óz áreketi týraly: «Belgili bir sebeptermen ádette toqtamaıtyn jerde toqtadym. Olar qalaı bolsa da qutqarylatyn edi, sebebi oqıǵa ornynda qutqarýshylar da júrgen», dep jazdy.
