Serfer Santa-Klaýstar Avstralııada álemdik rekord ornatty
ASTANA. QazAqparat - Avstralııa astanasynda úsh júz Santa-Klaýs jańa álemdik rekord ornatty. Jańajyldyq ertegishilerdiń kıimderin kıip alǵan sportshylar bári birdeı bir ýaqytta serfıngke shyqty.
Bul týraly VVS habarlap otyr.
Bondı jaǵajaıyna 320 serfer Santa-Klaýs shyqty - bul bastapqyda josparlanǵannan 70 adamǵa kóp boldy. Sharany uıymdastyrýshylar osynshama kóp adamnyń jınalatynyn kútpegen edi, sebebi rekord ornatý úshin 250 qatysýshy jetkilikti bolatyn.
Sýǵa túspes buryn, barlyq eriktiler qyzyl tústi bas kıim, keýdeshe jáne shalbar kıip aldy.
Uıymdastyrýshylardyń aıtýynsha, sharanyń oıyn-saýyq formatyna qaramastan, olar óz aldaryna kúrdeli mindetter qoıǵan. Jańa jyl aldyndaǵy taqtaıshalarmen jappaı júzýge shyqqan olar sol arqyly psıhıkalyq densaýlyq máselelerine kóńil aýdartqysy keldi. Aktsııa Let's Go Surfing serfıng mektebi men OneWave qaıyrymdylyq serfıng uıymynyń uıytqy bolýymen ótkizildi.
