Serdjo Mattarella Qasym-Jomart Toqaevqa Italııanyń eń joǵary nagradasyn tapsyrdy
ASTANA. KAZINFORM — Serdjo Mattarella Qasym-Jomart Toqaevqa Italııanyń eń joǵary nagradasy – «Italııa Respýblıkasyna sińirgen eńbegi úshin» ordenin tapsyrdy. Bul týraly Aqordanyń baspasóz qyzmeti habarlady.
– Elimizdiń bul joǵary nagradasy Italııamen dostyq qatynasty nyǵaıtýǵa úles qosqan memleketter basshylaryna ǵana beriledi. Sizdiń álemdik tártipti qamtamasyz etýge jáne beıbitshilikti qoldaýǵa baǵyttalǵan qyzmetińizdi joǵary baǵalaımyz. Sondaı-aq Italııa men Qazaqstan arasyndaǵy yntymaqtastyqty damytýǵa udaıy atsalysyp kele jatqanyńyz úshin rızashylyq bildiremiz. Sizge tabystalyp otyrǵan bul marapat bizdiń Respýblıkamyzǵa sińirgen eńbegińizdiń baǵasy, – dedi Italııa Prezıdenti.
Qasym-Jomart Toqaev Serdjo Mattarellanyń qolynan Italııanyń joǵary memlekettik nagradasyn alý zor mártebe ekenin jetkizip, alǵys aıtty.
Aıta ketelik Memleket basshysy Qasym-Jomart Toqaev Italııa Prezıdenti Serdjo Mattarellany birinshi dárejeli «Dostyq» ordenimen marapattaǵan edi.