Serdjo Mattarella Italııa prezıdenti bolyp qaıta saılandy

BRıÝSSELЬ. QazAqparat – Senbi kúni Italııada el prezıdenti saılandy. Bul laýazymǵa 80 jastaǵy saıasatker Serdjo Mattarella qaıta otyrdy, dep habarlaıdy QazAqparat.

S.Matarella nátıjesiz jeti ret daýys berý ótkennen keıin, depýtattar, senatorlar jáne aımaqtyq ókilderdiń daýys berýiniń segizinshi týrynda Italııa prezıdenti bolyp qaıta saılandy. Burynǵy mınıstr jáne eks-sýdıa 983 daýystyń 759-yn jınaǵan. Italııanyń saıası tarıhynda S.Matarella daýys sany boıynsha 1978 jyly 832 daýys jınaǵan Andro Pertınıden keıingi ekinshi prezıdent boldy.

«Qazirgi jaǵdaı bizge pandemııa men áleýmettik-ekonomıkalyq silkinistiń qıyn kezeńinde jaýapkershilik alýdy qajet etedi. Biz óz mindetterimizden bas tartpaýymyz kerek. Al azamattarymyzdyń úmiti, sonyń ishinde jeke sıpattaǵy oılardan da basym bolýy kerek», - dedi daýys berýden keıin S.Mattarella.