Serdar Berdimuhamedov Astanaǵa jumys saparymen keldi
ASTANA. KAZINFORM – Túrikmenstan Prezıdenti Serdar Berdimuhamedov «Ortalyq Azııa – Germanııa Federatıvtik Respýblıkasy» memleket basshylarynyń kezdesýine qatysý úshin Astanaǵa jumys saparymen keldi. Bul týraly Týrkmenıstan segodnıa habarlaıdy.
Nursultan Nazarbaev halyqaralyq áýejaıynda Túrikmenstan memleketiniń basshysyn Qazaqstannyń Premer-Mınıstri Oljas Bektenov jáne basqa da resmı tulǵalar jyly lebizben qarsy aldy.
Buǵan deıin Ózbekstan Respýblıkasynyń Prezıdenti Shavkat Mırzıeev Qazaqstanǵa jumys saparymen kelgenin jazǵan edik.
Qyrǵyz Respýblıkasynyń Prezıdenti Sadyr Japarov búgin, 17 qyrkúıekte Ortalyq Azııa memleketteri basshylary jáne Germanııa Federaldyq kantsleriniń ekinshi kezdesýine qatysý úshin Astanaǵa jumys saparymen keldi.
Qyrǵyzstan prezıdentiniń ushaǵy Qazaqstan astanasynyń halyqaralyq áýejaıyna qondy.
