Serbter qazaqtyń án-kúılerin tyńdady (FOTO)
ASTANA. QazAqparat - 1 sáýirde Belgrad qalasynda Serbııadaǵy Qazaqstan elshiliginiń qoldaýymen Qazaq ulttyq óner ýnıversıteti halyq aspaptary ansambliniń kontserti ótti, dep habarlaıdy QR SІM-niń baspasóz qyzmeti.
Mádenı shara Qazaqstan Respýblıkasy Táýelsizdiginiń 25 jyldyǵy men «Naýryz» meıramyna oraılastyryldy.
Serbııa-Qazaqstan Parlamenttik dostyq tobynyń múshesi Dragomır Karıch kontsertti ashý saltanatynda sóılegen sózinde Belgrad turǵyndary úshin Uly dala kompozıtorlary men aqyndarynyń shyǵarmalarymen, sondaı-aq ulttyq mýzyka ónerimen tanystyrýǵa múmkindik beretin osyndaı is-sharany ótkizýdiń mańyzy zor dep atap ótti.
Kontsertte Abaı Qunanbaıuly, Qurmanǵazy, Yqylas Dúkenuly, Birjan Qojaǵululy, Daırabaı Nurǵojauly, Sara Tastanbekqyzy, Dına Nurpeıisova, Latıf Hamıdı, Nurǵısa Tilendıev pen shet elderiniń klassıkalyq shyǵarmalary oryndaldy.
Mádenı is-shara serb aýdıtorııasynyń Qazaqstanǵa, onyń tarıhyna, mádenıetine jáne qazaq etnosynyń ózgesheligine úlken qyzyǵýshylyq tanytty.
