Serbııalyq velosaıahatshy: Eń tamasha adamdar Qazaqstanda turady (FOTO)
ASTANA. QazAqparat - Serbııadan Japonııaǵa qaraı uzaq saparǵa shyqqan velosaıahatshy Dragan Shıbalıch qazaqstandyqtardy eń izgi adamdar dep atady.
Bul saparǵa ol 7 aı ýaqytyn sarp etken. Atalǵan ýaqyt ishinde saıahatshy 10 elde bolǵan, dep jazady senica.ru.
Velosaıahatshyny eń jaqsy qarsy alǵandar - qazaqstandyqtar bolǵan. «Qazaqstanda eń jaqsy adamdar turady eken. Olar Serbııa týraly biledi, óte qonaqjaı. Al eń bir aýyrtpalyqty Mońǵolııada ótkerdim, onda meni tonap ketti», - deıdi Shıbalıch. Saıahaty barysynda ol azyq-túlik alý úshin kúnine nebári 15 dollar jumsaǵan. Negizinen shatyrlarda túnegen nemese ózi atap ótkendeı, qazaqstandyqtar tárizdi asa qonaqjaı jandar kútip alǵan. Endi saıahatshy Ońtústik Amerıkaǵa sapar shegip, Olımpıada bastalǵanǵa deıin Rıo-de-Janeıroǵa jetpek. Dragan Shıbalıch maýsym aıynda Astanaǵa úsh kúnge toqtaǵanynda Qazaqstan astanasyn týǵan kúnimen quttyqtaǵan edi. Ol sondaı-aq Pavlodar, Aqtóbe, Qostanaı qalalarynda boldy.
