Serbııalyq vaterpolshylar Álem Kýbogyn jeńip aldy
ALMATY. QazAqparat - Búgin Almatynyń Ortalyq júzý basseıninde sý doby boıynsha erler qurama komandalary arasynda ótken Álem Kýbogynyń fınalynda Serbııa qurama komandasy vengrııalyqtardy 11: 9 esebimen jeńip, Kýboktyń ıegeri atandy.
«Bul oıynda alǵashqy kezeńde Vengrııa qurama komandasy 2:1 esebimen jeńiske jetti. Alaıda tartystyń ekinshi kezeńde komandalar teń oıyn órnegin kórsetip, 3:3 esebimen aıaqtady. Úshinshi kezeńde esep 1:1 esebimen aıaqtaldy. Tórtinshi kezeńde serbııalyqtar ese qaıyryp, kezeńdi 2:1 esebimen óz paıdasyna sheshti. Qorytyndy esep 7: 7. Osydan keıin sý dobynda sırek kezdesetin penaltı soǵyldy. Bul tartysta 4:2 esebimen Serbııa qurama komandasy jeńiske jetti», - dedi óz sózinde Qazaqstannyń sý doby federatsııasynyń ókili, tóreshi Alekseı Vorontsov.
Úshinshi oryndy Horvatııa komandasy jeńip aldy. Olar óz kezeginde AQSh komandasyn 8:6 esebimen jeńdi.
Besinshi oryn úshin bolǵan oıynda avstralııalyqtardyń mereıi ústem boldy. Olar Qazaqstan qurama komandasyn 12: 6 esebimen jeńdi.
Jetinshi orynda Chernogorııa komandasy. Olar Ońtústik Afrıka qurama komandasyn 13: 10 esebimen jeńdi.
