Serbııalyq maman «Astana» fýtbol klýbynyń bas bapkeri atandy
NUR-SULTAN. QazAqparat - Serbııalyq maman Srdjan Blagoevıch «Astana» fýtbol klýbymen kelisimshart jasasty, dep habarlaıdy QazAqparat fýtbol klýbynyń Instagram-daǵy paraqshasyna silteme jasap.
«Srdjan Blagoevıch óz elinde túrli klýbtardy jattyqtyrǵan jáne mol tájirıbesi bar. Jumys istegen sońǵy komandasy aqtaýlyq «Kaspıı», bul komandanyń tizginin eki jyl ustap, ujymdy joǵary deńgeıge shyǵara aldy», delingen habarlamada.
Serbııalyq Srdjan Blagoevıch «Astana» fýtbol klýbymen eki jylǵa kelisimshart jasady.
Eske sala ketsek, elordalyq klýb 2021 jylǵa arnalǵan bıýdjeti 5 mıllıard teńge ekenin jarııalaǵan bolatyn.
KPL-2021 qorytyndysy boıynsha, «Astana» ekinshi oryn aldy. Birinshilik aıaqtalǵannan keıin bas jattyqtyrýshy Andreı Tıhonov komandadan ketti.
