Serbııalyq bapkerdiń basshysyz qalǵan «Astanaǵa» qashan keletini belgili boldy
ASTANA. QazAqparat - Sportska Centrala basylymynyń habarlaýynsha, serbııalyq maman Nenad Lalatovıchtiń «Astana» komandasynyń bas bapkeri bolý máselesi taıaý kúnderi sheshimin tabýy múmkin, dep jazady Sports.kz.
Buryn habarlanǵanyndaı, Lalatovıch «Astana» bas bapkeri bolýǵa basty úmitkerlerdiń biri. Klýbtyń jańa basshylyǵy úshin bas bapkerdi taǵaıyndaý basty másele bolmaq.
Eske sala keteıik, 2018 jyldyń 31 jeltoqsany kúni eńbek kelisimshartynyń aıaqtalýyna baılanysty «Astana» fýtbol klýbynyń prezıdenti Saıan Hamıtjanov klýbtan ketetinin habarlaǵan bolatynbyz.
Al klýbtyń jańa basshylyǵy taıaý kúnderi belgili bolady.
