Serbııadaǵy týrnır: Qazaqstandyq boksshy qyzdar erekshe stılimen nazarǵa ilikti
ASTANA. QazAqparat - Serbııanyń Sombor qalasynda «Ult kýbogy» dep atalatyn halyqaralyq týrnır ótýde, dep habarlaıdy Sports.kz.
Qazaqstandyq boksshy qyzdar bul dodada sátti óner kórsetti: Lázzat Kúngeıbaeva (+81 kg) altyn medalge qol jetkizse, taǵy 12 arýymyz aqtyq synǵa joldama aldy. Olar: Shyraılym Baqytjan, Alman Qarshyǵa, Alına Tyrlýbaeva (bári - 48 kg), Jaına Shekerbekova (51 kg), Dına Jolaman, Aıda Tuıaqbaı (ekeýi de - 54 kg), Nazym Ishanova (57 kg), Karına Ibragımova (60 kg), Madına Nurshaeva (64 kg), Darıǵa Shakımova, Aqerke Baqytjan (ekeýi de - 75 kg) jáne Farıza Sholtaı (81 kg).
Fınaldyq kezdesýler búgin ótedi.
«Qazaqstan bet qaratar emes. Boksshy qyzdar el esinde qaldy. Olar jaı ǵana jeńiske jetip qoıǵan joq, oǵan qosa shabýyldaı júrip urys salatyn erekshe máner kórsetti. Olarǵa qarsylastary shydas bere almady», dep jazady jergilikti Soinfo.org.
