Serbııada jeti jyl buryn urlanǵan Rembrandtyń týyndysy tabyldy
ASTANA. 12 naýryz. QazAqparat - Serbııa polıtsııasy 2006 jyldyń qańtar aıynda Rembrandtyń serbııalyq Novı-Sad murajaıynan urlanǵan «Ákeniń portreti» sýretin tapty.
Bul týraly Rosbalt habarlaıdy.
Týyndy Belgradtan batysqa qaraı shamamen 70 shaqyrym jerdegi Sremska-Mıtrovıtsa qalasy aýdanynda tabyldy, dep habarlady polıtsııa dırektory Mılorad Velovıch. Polıtsııa urlyqqa qatysy bar degen kúdikpen 4 adamdy ustady. Tabylǵan zattyń túpnusqa ekenin sarapshylar rastady.
Sýret 1630 jyly salynǵan. Onyń urlanýynan keıin sarapshylar bul shyǵarmany 2,5 mln. fýnt sterlıng shamasynda baǵalady.
