Serbııada prezıdentke qastandyq jasamaq boldy degen kúdikke ilingen eki adam ustaldy
ASTANA. KAZINFORM — Serbııa quqyq qorǵaý organdary prezıdent Aleksandr Výchıch pen onyń otbasy múshelerine qastandyq jasaýdy josparlaǵan degen kúdikke ilingen eki adamdy ustady, dep habarlaıdy Kazinform.
Serbııa ІІM baspasóz qyzmetiniń málimetinshe, ustalǵandar (1975 jáne 1983 jyldary týǵan) prezıdentke, sondaı-aq onyń zaıyby men balalaryna qastandyq jasaýdy josparlady degen kúdikke ilingen.
— Olar 2025 jyldyń jeltoqsany men 2026 jyldyń aqpany aralyǵynda qarý satyp alý jáne Serbııa Respýblıkasy Prezıdentiniń, onyń zaıyby men balalarynyń ómirine jáne jeke basyna shabýyl jasaý, olardy óltirý, sondaı-aq Serbııa Respýblıkasy Іshki ister mınıstrligi qyzmetkerlerine shabýyl jasaý, Іshki ister mınıstrliginiń qyzmetkerlerine dene jaraqatyn keltirý arqyly Serbııa Respýblıkasynyń konstıtýtsııalyq qurylysyn kúshtep ózgertýdi, joǵarǵy memlekettik organdardy qulatýdy uıymdastyrdy degen kúdikke ilindi, — delingen málimdemede.
Kúdiktiler 48 saǵatqa deıingi merzimge qamaýǵa alyndy jáne qylmystyq isti qozǵaý týraly ótinish túsken soń Kralevodaǵy Joǵarǵy prokýratýraǵa jetkiziledi.
Osyǵan deıin Belgııada premerge qarsy lańkestik áreket josparlaǵan úsh kúdikti ustalǵanyn habarladyq.