Serbııada mıtıng ótip, halyq shuǵyl kezekten tys saılaý ótkizýdi talap etti

ASTANA. KAZINFORM – Belgrad ortalyǵyna andaǵan myń adam jınalyp mıtıng ótkizdi. Halyq kezekten tys saılaý uıymdastyrýdy talap etip otyr. Al el prezıdenti Výchıch «mundaı shartqa» kelispeıtinin aıtty, dep habarlaıdy BBC.

Senbi kúni ótkizilgen aktsııa Novı-Sad temirjol vokzalynda beton shatyr qulap, 16 adam mert bolǵan soń bastalyp, ótken jyldyń qarashasynan beri jalǵasyp kele jatqan jemqorlyqqa qarsy narazylyq sharalarynyń jalǵasy.

Ótken aıda narazylyq bildirýshiler kezekten tys parlamenttik saılaý ótkizýdi talap etti. Qazirgi parlamenttegi kópshilik Aleksandr Výchıchtiń partııasynyń ókilderi. Prezıdent kezekti saılaý óz ýaqytynda, ıaǵnı 2026 jyldyń sońynda ótedi degen bolatyn.

Narazylyq bildirýshiler Výchıchten kezekten tys saılaý ótkizýdi talap etti.

Serbııa astanasyndaǵy mıtıngten soń narazylyq bildirýshiler polıtsııamen qaqtyǵysty. Polıtsııa halyqty taratý úshin túrli quraldardy qoldanǵan. BAQ ókilderi kózden jas shyǵaratyn jáne burysh gazyn paıdalandy dep jazyp jatyr. Sonda-aq AFP agenttiginiń tilshileri polıtsııanyń jaryq dybysty granata qoldanǵanynyń kýási bolǵan.

Osyǵan deıin Belgradta prezıdent Výchıchtiń úkimetine qarsy narazylyq sharalary ótkeni týraly jazdyq.