Serbııada merziminen buryn parlamenttik saılaý 2026 jyly ótedi
ASTANA. KAZINFORM — Serbııanyń bir palataly parlamentine merziminen burynǵy saılaý 2026 jyldyń sońynda bolady, dep habarlaıdy TASS.
Bul týraly Serbııa prezıdenti Aleksandr Výchıch málimdedi.
— Bes-alty aıdan keıin birneshe mýnıtsıpalıtette saılaý ótedi, al kelesi jyldyń sońynda merziminen buryn parlamenttik saılaýdyń ótkizýin kútemin, — dep atap ótti memleket basshysy halyqqa jasaǵan úndeýinde.
Sonymen qatar, Serbııa prezıdenti óz jaqtastarynan parlament ǵımaratynyń mańynda ornatylǵan palatkalyq lagerdi taratýyn suraıtynyn aıtty. Biraq Výchıch bul talapty olar oryndaýy múmkin be, sony bilmeıtinin jetkizdi.
Serbııada 2024 jyldyń qarashasynan beri narazylyq aktsııalary jalǵasyp keledi. Novı-Sad temirjol vokzalynda shatyr qulap, 16 adamnyń ómirin qıdy. Aktsııaǵa qatysýshylar bul tragedııa úshin el bıligin kinálap, merziminen buryn parlamenttik saılaýdy ótkizýdi talap etip otyr.
Budan buryn Aleksandr Výchıchtiń 10 myńnan astam jaqtaýshysy kóshbasshynyń saıasatyn qoldaıtynyn kórsetý úshin Belgradqa jınalǵany belgili boldy.