Serbııada Qazaqstan Prezıdentin resmı qarsy alý rásimi ótti
BELGRAD. KAZINFORM - Serbııa saraıynyń aldyndaǵy alańda Memleket basshysy Qasym-Jomart Toqaevty resmı qarsy alý rásimi ótti, dep habarlaıdy Aqorda.
Qazaqstan Prezıdentiniń kelýine oraı Qurmet qaraýyly sap túzedi. Qurmet qaraýylynyń bastyǵy raport bergennen keıin eki eldiń ánurandary shyrqaldy, sondaı-aq on ret zeńbirekten oq atyldy. Budan keıin prezıdentter bir-birine resmı delegatsııa múshelerin tanystyrdy.
Saltanatty rásimnen keıin memleketter basshylary kelissóz zalyna bardy.
Eske salsaq, keshe Qazaqstan Prezıdentiniń bortyn Serbııa aspanynda osy eldiń áskerı áýe kúshteriniń ushaqtary alyp júrdi. Qasym-Jomart Toqaevty Belgrad áýejaıynda Serbııa Prezıdenti Aleksandr Výchıch qarsy aldy.
Sondaı-aq Serbııa Prezıdenti áleýmettik jelilerdegi paraqshalarynda Memleket basshysy Qasym-Jomart Toqaevtyń qurmetine keshki as berilgenin jáne Almatynyń áıgili aportyn syıǵa alǵanyn jarııalady.
Oqı otyryńyz, Kazinform tilshisi Qazaqstan men Serbııa arasyndaǵy baılanystyń mańyzdy tustaryn saralap kórgen bolatyn.
