Serbııada Batys Nil bezgegi indetinen 20 adam kóz jumdy
ASTANA. 14 qyrkúıek. QazAqparat - Serbııada Batys Nil bezgegi indetinen eki aı ishinde 20 adam, sonyń ishinde el astanasy Belgradta 11 adam kóz jumdy. Jergilikti Densaýlyq saqtaý mınıstrligi málimetterine qaraǵanda, barlyǵy 177 adam osy indetke ushyraǵan, dep habarlaıdy Rosbalt.
Vırýsty juqtyrǵan birinshi jaǵdaı shildeniń basynda tirkelgen. Kóz jumǵandardyń eshqaısysy el aýmaǵynan ketpegen, bul aýrýdyń Serbııanyń ózinde taralǵanyn bildiredi.
Batys Nil bezgegi - vırýsty aýrý, ol masalar arqyly taralady. Mı qabyqtarynyń qabynýymen jáne shyryshty qabyqtyń zaqymdanýymen sıpattalady. Vırýsty, birinshi kezekte, qustar, adamdar jáne basqa kóptegen sút qorektiler tez juqtyrady.
