Serbııada ammıak tıelgen tsısternalar aýdarylyp, tótenshe jaǵdaı jarııalandy
Oqıǵa jeksenbi, 25 jeltoqsan kúni keshke bolǵan. Serbııa ishki ister mınıstrliginiń málimetinshe, apattan keıin atmosferaǵa ammıak kóp mólsherde taraǵan.
Qala meri Vladan Vasıchtiń aıtýynsha, 51 adamnan ýlaný belgileri anyqtalǵan, onyń jeteýi aýrýhanaǵa jatqyzyldy. 60 myńǵa jýyq turǵyny bar Pırotta birqatar kóshe jabyldy. Adamdarǵa úılerinen sebepsiz shyqpaý qajettigi eskertildi.
Jergilikti aqparat quraldarynyń habarlaýynsha, ammıaktyń taralýynan jol durys kórinbeı, Bolgarııaǵa aparar kúre jolda birneshe kólik apatqa ushyrady. Magıstral jabylyp, kólik qozǵalysy jergilikti joldar boıynsha uıymdastyryldy.
Serbııanyń Srbija Kargo ulttyq júk temirjol kompanııasynyń málimetinshe, relsten shyǵyp ketken poıyz Bolgarııadan 20 tsısternaǵa quıylǵan qaýipti júkti tasymaldap kele jatqan. Oqıǵanyń eldi mekenderden tys jerde bolǵany habarlandy. Qaýipsizdik maqsatynda tórt shaqyrym radıýstaǵy aımaq qorshaýǵa alynǵan.
Foto: www.dw.com