Serbııada 25 qazanda kezekten tys parlament saılaýy ótedi
ASTANA. KAZINFORM — Serbııadaǵy kezekten tys parlament saılaýy 2026 jylǵy 25 qazanda ótedi. Bul týraly Serbııa prezıdenti Aleksandr Výchıch RTS telearnasyna bergen suhbatynda aıtty.
Sondaı-aq ol 9 qyrkúıekte bir palataly parlament — Halyq skýpşınasyn taratý týraly jarlyqqa qol qoıatynyn málimdedi.
2026 jylǵy maýsymnyń sońynda Aleksandr Výchıch Novı-Sad qalasyndaǵy vokzal shatyrynyń opyrylyp, 16 adamnyń qaza tabýyna baılanysty bastalǵan jappaı úkimetke qarsy narazylyqtardan keıin birneshe apta ishinde otstavkaǵa ketetinin jáne elde merziminen buryn parlamenttik saılaý ótetinin habarlady.
Aleksandr Výchıchtiń prezıdenttik ókilettiginiń ekinshi merzimi 2027 jyldyń ortasynda aıaqtalady. Al Serbııa Konstıtýtsııasyna sáıkes, bir adam memleket basshysy qyzmetin eki merzimnen artyq atqara almaıdy.
Ótken aptada Aleksandr Výchıchtiń aldaǵy parlament saılaýynda bıliktegi Serbııa progressıvti partııasynyń (SPP) saılaý tizimin bastap, partııa atynan premer-mınıstrlikke kandıdat bolatyny belgili boldy.
Buǵan deıin Serbııa prezıdenti parlament saılaýy kúzde ótetinin málimdegen bolatyn.
