Serbııa prezıdenti shampan ishemin dep, aıyppul tóledi
ASTANA. Jeltoqsannyń 9-y. QazAqparat - Álem chempıonatynyń irikteý matchynda Rýmynııa komandasyn jeńgen ulttyq quramanyń jeńisiniń qurmetine shampan atqan Serbııa prezıdenti Borıs Tadıch 400 eýro kóleminde aıyp tóleýge májbúr boldy.
Іstiń mán-jaıyna keler bolsaq, Borıs Tadıch otandastarynyń álemdik birinshilikke shyǵý jeńisin Belgrad stadıonynyń VIP-minbesinde otyryp toılaǵan. Al Serbııada qoldanystaǵy zań boıynsha, sporttyq nysandardyń ishi túgili, mańynda alkogoldik ishimdikter tutynýǵa tyıym salynǵan, dep habarlaıdy QazAqparat VVS telekompanııasyna silteme jasap.
Jýrnalıster memleket basshysyn osynaý tarıhı sátte sýretke túsirip úlgergen. Jáne Tadıchtiń jeńisti osylaı toılaýyna negiz de bolǵan: serbter rýmyndardy 5:0 esebimen jeńgen.
Qol suǵylmaýshylyq mártebesinen bas tarta otyryp, Serbııa prezıdenti sotta ózine taǵylǵan aıypty tolyq moıyndady. Ol sondaı-aq, stadıondarda spırttik ishimdik ishýge tyıym salynǵan zańnyń bar ekenin bilmegenin moıyndady.
Serb fýtbol jankúıerleriniń kóptegen buzaqylyq áreketterine baılanysty, alkogolge tyıym salynǵan bolatyn.
