Serbııa Prezıdenti Aleksandr Výchıch Elbasyna Táýelsizdik kúninen oraı jedelhat joldady

ASTANA. QazAqparat - Memleket basshysynyń atyna ulttyq merekemiz - Qazaqstan Respýblıkasynyń Táýelsizdik kúnine oraı hattar men jedelhattar kelip tústi, dep habarlaıdy Aqordanyń baspasóz qyzmeti.

Serbııa Respýblıkasynyń Prezıdenti Aleksandr Výchıch Nursultan Nazarbaevtyń Qazaqstandy damytý barysynda qol jetkizgen jetistikterin atap ótti.

«Sizdiń dana basshylyǵyńyzdyń, kóregendigińizdiń, kúsh-qýatyńyzdyń ári iske adaldyǵyńyzdyń arqasynda Qazaqstan shırek ǵasyrdan astam ýaqyt boıy tabysty damyp, úlken jetistikterge jetip, álemde zor bedelge ıe boldy. Siz «Qazaqstan-2050» strategııasynda belgilengen maqsat-mindetterge qol jetkizesiz dep senemin», - delingen jedelhatta.

Sonymen qatar, ózderiniń jedelhattarynda Iordanııa Koroli ІІ Abdalla, Shvetsııa Koroli Karl Gýstav, Oman Sultany Kabýs ben Saıd, Vetnam Sotsıalıstik Respýblıkasynyń Prezıdenti Ngýen Fý Chong, Malaızııa Joǵarǵy bıleýshisiniń orynbasary Sultan Nazrın Mýızzýddın Shah Qazaqstan halqyna beıbit ómir jáne baq-bereke tileıdi.