Serbııa prezıdenti Výchıch kelesi saılaýda kandıdatýrasyn usynbaıdy
ASTANA. KAZINFORM — Serbııa prezıdenti Aleksandr Výchıch aldaǵy prezıdenttik saılaýǵa qatyspaıtynyn jáne eldiń Konstıtýtsııasyn ózgertýdi josparlamaıtynyn málimdedi, dep jazady AZERTADJ.
Bul týraly ol Aýstrııanyń federaldy kantsleri Krıstıan Shtokermen kezdesý qorytyndysy boıynsha ótken baspasóz máslıhatynda aıtty.
— Men endi qaıtadan kandıdat bola almaımyn jáne Konstıtýtsııany ózgertýdi oılamaımyn, — dedi Výchıch.
Sondaı-aq ol elde merziminen buryn parlamenttik saılaý ótýi múmkin ekenin joqqa shyǵarmady.
Budan bólek Výchıch óziniń prezıdenttik qyzmetin shamamen bir jarym jyldan keıin aıaqtaıtynyn atap ótti.
Eske sala keteıik, 29 maýsymǵa qaraǵan túni Belgradtaǵy ákimshilik ǵımaraty aldynda 30 myńnan astam oppozıtsııa jaqtastary men stýdentterdiń qatysýymen jappaı narazylyq aktsııasy ótti. Serbııa prezıdenti Aleksandr Výchıch tártipsizdikterge baılanysty eldegi jaǵdaıdy túsindirdi.