Serbııa Prezıdenti Qasym-Jomart Toqaevty Belgradqa saparmen kelýge shaqyrdy

ASTANA. KAZINFORM – Memleket basshysy Serbııa Prezıdentimen telefon arqyly sóılesti, dep habarlaıdy Aqordanyń baspasóz qyzmeti.

Serbııa tarapynyń bastamasymen ótken áńgimelesý barysynda saıası jáne saýda-ekonomıkalyq yntymaqtastyqtyń qazirgi jaı-kúıi men damý perspektıvalary talqylandy. Taraptar iskerlik baılanystardy nyǵaıtýǵa, sondaı-aq ónerkásip, aýyl sharýashylyǵy, kólik jáne logıstıka salalaryndaǵy birlesken ınvestıtsııalyq jobalardy júzege asyrýǵa ózara múddeli ekenin aıtty.

Sonymen qatar eki el basshylary ornyqty damýdy qamtamasyz etýge, jahandyq beıbitshilik pen qaýipsizdikti ilgeriletýge qatysty syndarly dıalogty jalǵastyrýǵa daıyn ekenin rastaı otyryp, halyqaralyq kún tártibindegi birqatar ózekti másele jóninde pikir almasty.

Serbııa Prezıdenti Aleksandr Výchıch Memleket basshysy Qasym-Jomart Toqaevty Belgradqa saparmen kelýge shaqyrdy.