Serbııa prezıdenti eldegi jaǵdaıǵa pikir bildirdi
ASTANA. KAZINFORM – Serbııa prezıdenti Aleksandr Výchıch demalys kúnderi bolǵan tártipsizdikterge baılanysty eldegi jaǵdaıdy búgin túsindirip ótti, dep habarlaıdy Kazinform agenttiginiń menshikti tilshisi.
29 maýsymǵa qaraǵan túni Belgradtaǵy ákimshilik ǵımaraty aldynda 30 myńnan astam oppozıtsııa jaqtastary men stýdentterdiń qatysýymen jappaı narazylyq aktsııasy ótti.
Jastar elde merziminen buryn parlamenttik saılaý ótkizýdi talap etti. Keıinirek mıtıng polıtsııamen qaqtyǵysqa ulasty — aktsııaǵa qatysýshylar quqyq qorǵaýshylarǵa pırotehnıka men bótelkeler laqtyrǵan.
Quqyq qorǵaý organdary oppozıtsııany taratý úshin kúsh qoldanýǵa májbúr boldy.
Serbııa prezıdenti Aleksandr Výchıch memleket óz jumysyn oryndaǵanyn jáne qoǵamdyq tártipti saqtaýǵa tolyq qaýqarly ekenin málimdedi.
— Búgin men Ispanııa premer-mınıstri Pedro Sanchespen óte mańyzdy kezdesý ótkizdim. Ol úshin men Serbııanyń aýmaqtyq tutastyǵy men egemendigin qoldaǵany úshin alǵys bildirdim, — dedi Výchıch Sevılıa qalasynan jýrnalısterge úndeýinde.
Keshe Serbııanyń birneshe óńirinde qoıylǵan barrıkadalarǵa qatysty pikir bildirgen prezıdent halyqqa alańdaýǵa negiz joq ekenin, memlekettiń qoǵamdyq tártipti qamtamasyz etýge kúshi jetkilikti ekenin aıtty.
Aıta ketelik Serbııada mıtıng ótip, halyq shuǵyl kezekten tys saılaý ótkizýdi talap etti.