Serbııa Prezıdenti Aleksandr Výchıch Astanaǵa resmı saparmen keledi

ASTANA. KAZINFORM –  26-27 aqpan kúnderi Memleket basshysy Qasym-Jomart Toqaevtyń shaqyrýymen Serbııa Prezıdenti Aleksandr Výchıch Astanaǵa resmı saparmen keledi. Bul týraly Aqordanyń baspasóz qyzmeti habarlady. 

Sapar aıasynda joǵary deńgeıdegi kelissózder ótedi.

Memleketter basshylary qazaq-serb qarym-qatynasynyń qazirgi jaı-kúıi men perspektıvasyn talqylaıdy.

Saıası dıalogty odan ári nyǵaıtý, saýda-ekonomıkalyq baılanystar men mádenı-gýmanıtarlyq yqpaldastyqty keńeıtý máselelerine basa nazar aýdarylady. 

Aıta ketelik Qasym-Jomart Toqaev Aleksandr Výchıchti bıyl Qazaqstanǵa resmı saparmen kelýge shaqyrǵan edi.