Serbııa Prezıdenti Aleksandr Výchıch Astanaǵa resmı saparmen keldi
ASTANA. KAZINFORM — Serbııa Prezıdenti Aleksandr Výchıch Memleket basshysy Qasym-Jomart Toqaevtyń shaqyrýymen Qazaqstanǵa resmı saparmen keldi. Serbııa Prezıdentin áýejaıdan Premer-mınıstr Oljas Bektenov qarsy aldy. Bul týraly Úkimettiń baspasóz qyzmeti habarlady.
Aleksandr Výchıchtiń Qazaqstanǵa resmı sapary aıasynda saıası dıalogty odan ári nyǵaıtý, saýda-ekonomıkalyq baılanystardy jáne mádenı-gýmanıtarlyq ózara is-qımyldy keńeıtý máseleleri boıynsha joǵary deńgeıdegi kelissózder josparlanýda.
Serbııa – Qazaqstannyń Balqan túbegindegi jaqyn jáne senimdi seriktesi.
Dıplomatııalyq qatynastardyń 30 jylynda eki el arasynda qurmetke, senimge jáne ózara tıimdi seriktestikke negizdelgen dostyq baılanystar ornady.
Ótken jyldyń qorytyndysy boıynsha Qazaqstan men Serbııa arasyndaǵy taýar aınalymy 7,6%-ǵa ósip, $107 mln-nan asty.
Aıta ketelik Serb ınvestorlaryna Qazaqstandaǵy basym salalar usynylǵan edi. Serbııada 44 qazaqstandyq kompanııa isteıdi.