Serbııa koronavırýsqa qarsy reseılik «Sputnik V» vaktsınasyn óndirýdi josparlap otyr
NUR-SULTAN. QazAqparat - Serbııa jyl sońyna deıin reseılik «Sputnik V» vaktsınasynyń óndirisin jolǵa qoıýy múmkin, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Serbııa bıligi jańa kásiporyn salý men jabdyq satyp alýǵa qajetti qarajatty bólýge daıyn ekendikterin málimdedi. Elde preparattyń orama óndirisi eki-úsh aıdan keıin bastalady dep kútilýde, sodan keıin tolyq óndiristik tsıkl iske qosylmaq.
Al japondyqtar «Pfizer» vaktsınasyn qoldanbaq. Qazir olar vaktsınatsııa naýqanyna daıyndyq ústinde.
«Vaktsınatsııany kelesi aptanyń ortasynda bastaımyz», - dedi eldiń Premer-mınıstri Esıhıde Sýga.
Aldymen medıtsına qyzmetkerleri, sodan keıin, shamamen sáýir aıynda egde jastaǵy adamdarǵa egý josparlanǵan.
Vengrııa bıligi koronavırýstan jazylǵan adamdarǵa, sondaı-aq osy vırýsqa qarsy vaktsına qabyldaǵan adamdarǵa arnaıy sertıfıkattar engizbekshi. Eki qujatta aqysyz rásimdeledi, biraq olardyń qandaı quqyqtar beretini ázirge belgisiz.