Serbııa Qazaqstan Prezıdentin zeńbirekten 10 dúrkin oq atyp, saltanatpen qarsy aldy
BELGRAD. QazAqparat - Qazaqstan Prezıdenti Nursultan Nazarbaevtyń Serbııaǵa sapary bastaldy. Serbııa saraıy ǵımaratyna kelgen Elbasyn serbııalyq áriptesi Tomıslav Nıkolıch qarsy alyp, zeńbirekten 10 dúrkin oq atyldy.
Osydan keıin eki eldiń memlekettik ánurany oınalyp, mártebeli meımannyń qurmetine sap túzegen qaraýyl bastyǵy baıanat jasady.
Qazaqstan Prezıdentin qarsy alý rásimi aıaqtalǵannan keıin eki eldiń Memleket basshylary shaǵyn quramdaǵy kezdeý zalyna ótti. Qazirgi ýaqytta kezdesý bastalyp ketti, odan keıin keńeıtilgen quramdaǵy kelissózder júrgiziledi. Qorytyndysynda birqatar ekijaqty qujattarǵa qol qoıý josparlanǵan.
Munan bólek, Elbasynyń Serbııa Premer-Mınıstri Aleksandr Výchıchpen jáne Serb patrıarhy Irıneımen kezdesýi, sonymen qatar Belgrad ortalyǵyndaǵy shaǵyn alańdardyń birinde Serbııa Prezıdenti Tomıslav Nıkolıchpen birge Jambyl Jabaevtyń músinin ashýy kútilýde.
