Serbııa EO-ǵa qosylý týraly kelissózderdi bastady
ASTANA. 21 qańtar. QazAqparat - Brıýsselde Serbııanyń Eýroodaqqa qosylýy boıynsha kelissózder bastalady.
EO tarapynan Grekııa syrtqy ister mınıstri Evangelos Venıtselos jáne EO-ny keńeıtý boıynsha komıssar Shtefan Fýle qatysady. Serbııa tarapynan eldiń premer-mınıstri Ivıtsa Dachıch pen onyń birinshi orynbasary Aleksandar Výchıch keledi.
EO ókilderiniń sózine qaraǵanda, kelissózderdiń birinshi kezeńi negizinen sımvoldyq mánge ıe.
Serbııalyq aqparat agenttikteriniń habarlaýynsha, Serbııanyń EO quramyna qosylýy boıynsha kelissózderge jol tek ótken jyldyń sońynda ashylǵan bolatyn. Aıta keteıik, sol kezde eýropalyq elder Serbııa men Kosovo arasyndaǵy qatynastardy turaqtandyrý turǵysynda Belgradqa qatysty óziniń talaptaryn jeńildetýge kelisken edi.
2013 jyly Eýroodaqqa burynǵy ıýgoslavııalyq Horvatııa Respýblıkasy qosylǵan bolatyn. Onyń EO-men kelissózderi segiz jylǵa jalǵasty.
