Serbııa EQYU-ǵa tóraǵalyq etý qyzmetine kiristi
ASTANA. QazAqparat - 1 qańtardan bastap, Serbııa Shveıtsarııanyń ornyna 57 músheni biriktirgen álemdegi iri óńirlik uıym - Eýropadaǵy qaýipsizdik jáne yntymaqtastyq uıymyna tóraǵalyq etý qyzmetine kiristi, dep habarlady RIA «Novostı».
Serbııanyń birinshi vıtse-premeri jáne SІM basshysy Ivıtsa Dachıchtiń tóraǵalyǵymen EYQU-nyń alǵashqy resmı sharasy 15 qańtarda ótetin Turaqty keńes konferentsııasy bolmaq.
Dachıchtiń aıtýynsha, Tóraǵalyqtyń basty basym mindeti - taraptardy beıbit úrdiske keltirý úshin Ýkraınadaǵy qaqtyǵysty retteý boıynsha deldal rólin oryndaý. Ýkraınadaǵy daǵdarysty sheshýden basqa Serbııa 1990-shy jyldardaǵy qarýly qaqtyǵystardyń salqyny saqtalǵan Balkanda yntymaqtastyqty nyǵaıtýmen aınalysýǵa nıetti. Budan basqa, jańa tóraǵa eldiń mańyzdy mindetteriniń biri Helsınkıde ótken Eýropadaǵy qaýipsizdik jáne yntymaqtastyq keńesiniń memleketteri men úkimetteri sammıtiniń qorytyndy qujaty - Helsınıkı qorytyndy aktisin qabyldaýdyń 40-jyldyq mereıtoıyn uıymdastyryp, soǵystan keıingi shekaranyń myzǵymaıtyn qaǵıdatyn bekitý. Osyǵan baılanysty «Helsınkı plıýs 40» EQYU jańa strategııalyq qujatyn ázirleý kútilýde. EQYU-nyń MK otyrysy 2015 jylǵy 3-4 jeltoqsanda Belgradta ótedi. Mınıstrler keńesi SІM basshylary deńgeıinde ótedi.
