Serb mamany S.Krchmarevıch elimizdiń fýtboldan jastar quramasyn jattyqtyratyn boldy
ANA. 6 mamyr. QazAqparat /Gúlnár Jandaǵulova/ - 45 jastaǵy Slobodan Krchmarevıch Qazaqstannyń fýtboldan jastar quramasynyń aǵa jattyqtyrýshysy bolyp taǵaıyndaldy,
dep habarlady QR Fýtbol federatsııasy.
Serb mamany ÝEFA-nyń PRO lıtsenzııasyna ıe, ıaǵnı ol Eýropalyq fýtbol qaýymdastyǵyna múshe elderdiń quramalarymen de, ulttyq chempıonattardyń joǵary dıvızıonyndaǵy kásibı klýbtarmen da jumys isteı alady.
S.Krchmarevıch óz mansabynda belgradtyq OFK jáne «Partızan» klýbtaryn, stokgolmdik AIK, kıprlik «Apollon» jáne «Anortosıs», sondaı-aq grekııalyq PAOK jáne «Panıonıs» klýbtaryn jattyqtyrǵan. Aıta ketý kerek, onyń tárbıelenýshileriniń qatarynda - Zoran Toshıch (TsSKA, Máskeý), Mıralem Súleımanı (Aıaks, Amsterdam), Goıko Kachar (Gambýrg) bar.
Serb mamanymen kelisimshart Eýropa chempıonatynyń irikteý kezeńiniń sońyna deıin jasalyp otyr.
Qazaqstannyń jastar quramasy jaqynda jastar arasyndaǵy 2013 jylǵy Eýropa chempıonatynyń irikteý týrnırinde oınaıtyn bolady. Sondyqtan jańa jattyqtyrýshynyń aıtýynsha, ol komandamen jumysqa dereý kirispek.
