Septıkti tazalaý kezinde 4 atyraýlyq ýlanyp, bireýi kóz jumdy
ATYRAÝ. QazAqparat - Atyraýda septıkti tazalaý kezinde 4 er adam ýlandy. Onyń biri jedel járdem qyzmetinde kóz jumdy, dep habarlaıdy QazAqparat tilshisi.
Atyraý oblystyq TJD baspasóz qyzmetiniń habarlaýynsha, 24 maýsym kúni, saǵat 12.45-te Myńbaev kóshesinde ornalasqan Jeruıyq yqshamaýdanynda jeke úıdiń aýlasynda 3 metr tereńdikte ornalasqan septıkti tazalaý kezinde 26, 40, 50 jáne 57 jastaǵy tórt er adam ýlanǵan.
«26 jastaǵy er azamat aýrýhanaǵa jetpeı, jedel járdem qyzmetiniń kereýetinde kóz jumdy», - delingen baspasóz qyzmetiniń habarlamasynda.
Oqıǵanyń mán-jaıy tekserilip jatyr.
