Separatızm boıynsha kúdikti Oral turǵynyna Reseı pana bergen

ASTANA. QazAqparat – Separatızm jáne ulttar arasynda alaýyzdyq týdyrý kúdigi boıynsha aıyptalǵan Oral qalasynyń turǵyny M.V. ıAkovchenkony Reseıden elimizge qaıtarý máselesi qaralyp jatyr, dep habarlaıdy QazAqparat tilshisi Bas prokýratýranyń baspasóz qyzmetine silteme jasap.

«BQO-nyń Oral qalasynda turǵan M.V. ıAkovchenko «VKontakte» áleýmettik jelisinde jarııalanǵan «Oral – joıylyp bara jatqan aýmaq» postyna Qazaqstan Respýblıkasynyń birkelkiligi men tutastyǵyn buzýdy, sondaı-aq azamattardy ulttyq belgisi boıynsha kemsitýdi nasıhattaý belgileri bar pikir jazǵany úshin ulttyq alaýyzdyq týdyrý jáne separatızm boıynsha kúdikke ilinip otyr», - delingen resmı habarlamada.

M.ıAkovchenko Reseıge qashyp, kórshi el bıliginen pana suraǵan. RF ótinishin qanaǵattandyryp, 1 jyl merzimge pana bergen. Bul merzim bıylǵy 19 qazanda aıaqtalady. Qazaqstannyń Bas prokýratýrasy osy merzim aıaqtalǵan kezde kúdiktini elge qaıtarýdy surap otyr.

Bas prokýratýranyń atalǵan is boıynsha qolǵa alǵan is-áreketin usynamyz:

08.09.2022 jyly kúdiktiniń áreketteri QR Qylmystyq kodeksi 174-babynyń 1-bóligimen (ulttyq alaýyzdyq týdyrdy), 180-babynyń 2-bóligimen (separatızm) saralanǵan.

21.09.2022 jyly BQO prokýratýrasy M.V. ıAkovchenkoǵa taǵylǵan aıyp boıynsha qylmystyq isti qaraý úshin Oral qalalyq sotyna jiberdi.

11.10.2022 jyly ıAkovchenkonyń kelmeýine baılanysty sot ony májbúrlep alyp kelý týraly qaýly shyǵardy. Ony oryndaý barysynda ıAkovchenko 21.09.2022 jyly «Syrym» ótkizý pýnktinde Reseımen memlekettik shekarany kesip ótkeni anyqtaldy.

14.10.2022 jyly sot bultartpaý sharasyn «kúzetpen ustaýǵa» ózgertip, kúdiktige izdeý jarııalandy.

01.12.2022 jyly M.V ıAkovchenko Reseı Federatsııasynyń Rostov oblysynda ustaldy. Biraq ol 1 jyl merzimge (19.10.2023 jylǵa deıin) ýaqytsha pana berilýine baılanysty, bosatyldy.

28.02.2023 jyly QR Bas prokýratýrasy qaralyp jatqan qylmystyq is aıasynda jaýapkershilikke tartý úshin ıAkovchenkony berý týraly Reseı Federatsııasynyń Bas prokýratýrasyna suraý joldady.

17.07.2023 jyly telefon arqyly sóılesý barysynda Reseı Federatsııasynyń Bas prokýratasynyń oryndaýshysy suraýdyń qaraýǵa alynǵanyn rastady.

Eske sala keteıik, ótken jyly 4 mamyrda áleýmettik jelide arandatýshylyq pikir jazǵan Oral turǵynyna qatysty is qozǵalǵan edi.