SENSATsIıA: Kosta-Rıka quramasy Ýrýgvaıdy san soqtyryp ketti - VIDEO
FORTALEZA-ASTANA. QazAqparat - Fýtboldan Álem birinshiliginiń úshinshi kúninde Kosta-Rıka kezdesýdiń favorıti atanǵan Ýrýgvaı quramasynan jeńisti julyp áketti.
Birinshi taım tolyǵymen Ýrýgvaıdyń basymdyǵymen ótken bolatyn. Oıynnyń 24-mınýtynda Edınson Kavanı penaltıden gol salyp Ýrýgvaı komandasyn alǵa shyǵardy. Degenmen ekinshi taım bastala salysymen Kosta-Rıka fýtbolshylar 4 mınýttyń ishinde eki dop salyp, matchtaǵy basymdyqty óz qoldaryna aldy. Atap aıtqanda, kezdesýdiń 54-mınýtynda Djoel Kambell, 58-mınýtynda Dýarte gol avtorlary atandy. Ýrýgvaı oqtyn-oqtyn shabýyl jasaǵanymen, Kosta-Rıka ujymynyń qorǵanys shebin buza almady. Óz kezeginde alańǵa endi ǵana shyqqan Markos Ýrenıa 86-mınýtta esepti tipti 3:1-ge jetkizdi.
Osylaısha, 2010 jylǵy Álem chempıonatynyń qola júldegerleri - Ýrýgvaı quramasy qolda turǵan jeńisti Brazılııadaǵy mýndıaldiń eń jas Kosta-Rıka komandasyna berip qoıdy.
