SENSATsIıA: Kosta-Rıka Italııa quramasynan basym túsip, toptan shyqty
ASTANA. QazAqparat - Búgin Brazılııada fýtboldan álem chempıonatynyń toptyq kezeńniń kezekti kezdesýinde Kosta-Rıka men Italııa quramalary oınady.
Bul oıynda Kosta-Rıka fýtbolshylary mýndıaldiń basty favorıttarynyń biri ıtalııalyqtardyń mysyn basyp, 1:0 esebimen tize búktirdi.
Oıynnyń birinshi taıymynda Rýıs gol avtory atanǵan bolatyn. Mýndıaldaǵy eń jas quramalardyń biri sanalatyn kostarıkalyqtar munyń aldynda Ýrýgvaıdy san soqtyryp ketkeni esimizde. Endi bul jeńisten keıin Kosta-Rıka alty upaımen birinshi oryn alyp, toptyq kezeńnen shyqty. Italııa men Ýrýgvaı úsh upaımen ekinshi oryndarda. Al Anglııa quramasy úshin bul chempıonat aıaqtaldy. Olar eki oıynnan keıin 0 upaı jınap, kelesi kezdesýdiń nátıjesine qaramastan úılerine qaıtatyn boldy.
