«Senim stýdııasy» — Jibek Joly jańa pshıologııalyq baǵdarlama usynady
ASTANA. KAZINFORM – Jibek Joly telearnasynda jańa áleýmettik joba – «Senim stýdııasy» baǵdarlamasy jaryq kórdi. Onda kún saıyn tikeleı efırde kásibı psıholog kórermendi tolǵandyrǵan suraqtarǵa jaýap beredi. Bul týraly baǵdarlama júrgizýshisi Dáýlet Bıjanov «Jibek joly» telearnasyndaǵy «Búgin LIVE» baǵdarlamasynda aıtty.
– Bul – meniń tájirıbemdegi alǵashqy psıhologııalyq baǵdarlama jáne usynysty qýana qabyl aldym. Joba kún saıyn saǵat 16:00 men 18:00 aralyǵynda tikeleı efırde ótedi. Onda kórermender anonımdi túrde ishki tolǵanystarymen bólisip, kásibı psıhologtan keńes ala alady. Keıde adamǵa bar bolǵany jyly sóz jetpeı jatady. Biz ár kórermenniń janaıqaıyna qulaq asyp, qoldaý kórsetýge tyrysamyz. Efırde men moderator rólinde bolamyn, kórermen saýalyn kásibı mamanǵa joldaımyn», – dedi Dáýlet Bıjanov.
Baǵdarlama otbasy, qarym-qatynas, bala tárbıesi, qumar oıynǵa táýeldilik syndy ómirlik mańyzdy taqyryptardy qozǵaıdy. Onyń alǵashqy shyǵarylymy otbasy qundylyqtaryna arnalǵan.
Jobanyń taǵy bir ereksheligi – kórermenniń bet-beınesi kórsetilmeıdi. ıAǵnı, efırge daýsymen ǵana qatysýǵa bolady, tikeleı efırge qońyraý shalý nemese WhatsApp arqyly saýal joldaý da jetkilikti.
– «Senim stýdııasyna» kez kelgen adam qatysyp, óz suraqtaryn tikeleı qoıa alady. Efırden keıin mamanmen jeke baılanys ornatý múmkindigi qarastyrylǵan, – deıdi D. Bıjanov.
Aıta keteıik, bıyl Jibek Joly / Silk Way Almatydan Seýlge, Erevannan Ulan-Batyrǵa deıingi kórermen nazaryn bir arnaǵa toǵystyra alatyn, jarqyn jobalarǵa toly jańa televızııalyq maýsymyn usynady.