Seniń otanyńda judyryqtasamyz: Sonders Golovkındi jekpe-jekke shaqyrdy

NUR-SULTAN. QazAqparat - WBO nusqasy boıynsha orta salmaqtaǵy álem chempıony, brıtandyq Bıllı Djo Sonders Gennadıı Golovkındi jekpe-jekke shaqyrdy, dep habarlaıdy QazAqparat Qazaqstannyń kásipqoı boks qaýymdastyǵyna silteme jasap.

Bıllı Djo Sonders keshe «Barys-Arenada» ótken boks keshine arnaıy kelgen bolatyn. Kesh barysynda ol rıngke shyǵyp, suhbat berdi jáne qonaqjaılyǵy úshin qazaqstandyqtarǵa alǵys aıtty. Sol jerde ol Golovkınge Qazaqstanda kezdesý ótkizý jóninde usynys jasady.

«Qonaqjaılyǵy úshin Qazaqstanǵa kóp rahmet. Mundaǵy jankúıerler keremet. Men osy «Barys-Arenada» Gennadıı Golovkınmen judyryqtasýǵa qarsy bolmas edim. Ol - uly chempıon. Meniń onymen osy Qazaqstanda kezdesýge múmkindigim bolǵan edi», - dedi ol.

Sonderstiń aıtýynsha, onyń kelesi qarsylasy kim bolatyny belgisiz. MTK Global men boksshynyń promoýteri Frenk Ýorren aldaǵy jekpe-jekke áli eshkimdi usynbaǵan.

«Biraq men osy «Barys-Arenada» aıqas ótkizýge daıynmyn. Men ózim sony qalaımyn. Dál osy jerde Golovkınmen judyryqtasqym keledi. Ol - tamasha boksshy, uly chempıon, biraq maǵan osyndaı múmkindikti berse deımin. Golovkın, men seniń otanyńda turyp, seni aıqasqa shaqyramyn», - dedi Sonders.