Senimgerlik basqarýǵa berilgen zeınetaqy aktıvine kim kepildik usynady
BJZQ usynǵan málimet boıynsha, mindetti zeınetaqy jarnalaryna memleket tek Ulttyq banktiń basqarýyndaǵy soma kóleminde ǵana kepildik beredi. QazAqparattyń saýalyna joldaǵan jaýabynda qor mamandary osyndaı aqparat bergen.
«Zeınetaqy jınaǵyn ınvestıtsııalyq portfel retinde basqarýǵa alǵan kompanııa zeınetaqy aktıvteriniń nomınaldyq kiristiligi men Qarjy naryǵyn retteý jáne damytý agenttigi bekitken eń tómengi kiristilik mániniń arasynda teris aıyrma paıda bolǵan jaǵdaıda, osy teris aıyrmany Agenttik óz kapıtalynan óteıdi. Tólenetin soma BJZQ-da ashylǵan jeke zeınetaqy shottaryna aýdarylady. Tabystylyqtyń eń tómengi deńgeıi ınvestıtsııalyq portfeldi basqarýǵa berilgen zeınetaqy aktıvteriniń ortasha alynǵan tabystylyǵy negizinde esepteletin bolady. Zeınetaqy aktıvteri boıynsha eń tómengi kiristilik jáne ortasha alynǵan kiristilik kórsetkishteri týraly aqparat aı saıyn Ulttyq banktiń resmı ınternet resýrsynda jarııalanady», - delingen BJZQ jaýabynda.