Senimderińiz maǵan úlken qýat berdi - Nursultan Nazarbaev
ATY. 7 aqpan. QazAqparat /Erlik Erjanuly/ - Eń birinshi aıtatynym: 20 jyl ishindegi qıly-qıly zamandarda barlyǵyńyz da ylǵı meniń janymda boldyńyzdar.
Bul týraly Elbasy Nursultan Nazarbaev búgin Almatydaǵy rezıdentsııasynda 2010 jylǵy Prezıdenttik jáne Memlekettik stıpendııa ıegerlerin marapattaý rásiminde aıtty.
"Birinshiden, áıteýir bir jaqqa alyp shyǵatyn shyǵar dep, maǵan sendińizder. Sol maǵan úlken qýat berdi. Ekinshiden, sonaý saıası zamannan birazdaryńyzben birge ósip, birge túledik. Stıpendııa taǵaıyndaý kezinde meniń oılaǵanym, kóp qarajat bolmasa da jora-joldas, aǵaıyn-týys pen balalardyń aldynda memleketim meni umytqan joq, mine Prezıdentim maǵan osyndaı syılyq taǵaıyndap otyr degen áńgime. Bul sizderdi umytpaǵanymyzdy bildirý úshin jasalǵan nárse", - dedi Nursultan Nazarbaev.
QR Prezıdentiniń aıtýynsha, talantty jastardy qoldap stıpendııa berý - memlekettiń mindeti. Elbasy ártúrli granttar men metsenattyq kómekti jyldan-jylǵa kóbeıtýge kóbirek mán berý kerek ekenin erekshe atap kórsetti.
