Senim telefonyna quqyqtary taptalǵany týraly 16 580 jetkinshek qońyraý shalǵan - dóńgelek ústel
ALMATY. 17 mamyr. QazAqparat - Búgin Almatyda «Qatal jazalaýdan jasóspirim qyzdardy qorǵaý: genderlik zombylyq jáne jynystyq eksplýatatsııa salasyndaǵy №150 balalar men jastarǵa arnalǵan ulttyq senim telefon jelisiniń róli» dep atalatyn respýblıkalyq deńgeıdegi dóńgelek ústel jıyny ótip jatyr.
Ony «Nur Otan» HDP-nyń qoldaýymen Qazaqstandaǵy «Daǵdarystyq ortalyqtar odaǵy» zańdy tulǵalar birlestigi uıymdastyryp otyr. Bul sharaǵa QR Parlamentiniń depýttattary, quzyrly mınıstrlikter men vedomstvolardyń ókilderi, QR Prezıdenti janyndaǵy otbasylyq-demografııalyq jáne áıelder isi jónindegi ulttyq komıssııa men halyqaralyq jáne otandyq úkimettik emes uıymdardyń ýákilderi qatysýda.
Uıymdastyrýshylardyń málimetterine qaraǵanda, Qazaqstandaǵy «№150 balalar men jastarǵa arnalǵan ulttyq senim telefon jelisine» 2009 jyldan bastap 598 661 qońyraý kelip túsken. Sondaı-aq quqyqtary taptalǵany týraly 16 580 jetkinshek habarlasqan. Olardyń 54 paıyzyn jasóspirim qyzdar qurady.
Qazaqstan Child Helpline International uıymyna múshe bolyp tabylatyn 133 eldiń biri bolyp tabylady. Olar balalar men jastardyń quqyqtaryn qorǵaý jáne qyzyǵýshylyqtaryn iske asyrýǵa baǵyttalǵan Senim telefonynyń halyqaralyq kúnin osymen altynshy jyl atap ótpekshi.
