Senim durys bolsa, amal durys bolady - Bas múftıdiń orynbasary
ALMATY. 5 sáýir. QazAqparat - Amal durys bolsa adam eki dúnıeniń baqytyna ıe bolady. Qazaqstan musylmandary dinı basqarmasy Bas múftıiniń orynbasary, fılologııa ǵylymdarynyń doktory,
sheıh Muhammed Hýseın Alsabekov búgin Almatyda «Myrza Muhammad Haıdar Dýlat parsy derekkózderinde» jáne Hıbatýlla at-Tarazı jáne onyń rýhanı murasy» dep atalatyn jańa kitaptardyń tusaýkeser rásiminde osylaı aıtty.
«Birlikke ár túrli jolmen barý múmkin emes. Oǵan bastar jol bireý ǵana. Ol san ǵasyrlar boıy ata-babalarymyz ustanǵan jol. Onda aqıda, senim durys boldy. Sonyń nátıjesinde tarıhynda birlik bolyp, dinin, jerin saqtap qaldy. Sharıǵat boıynsha senim durys bolsa, amalymyz durys bolady. Onda eń mańyzdy nárse - senim», - deıdi M.Alsabekov. Onyń aıtýynsha, qazaq dalasynan shyqqan ǵulamalar óte kóp. Ókinishke oraı olardyń tarıhı murasy áli búgingi urpaqtyń qolyna tolyq jetken joq. Oǵan búgingi shara aıǵaq bola alady. Máselen Hıbatýlla at-Tarazı arab elderine baryp qazy, múftı bolǵan kisi. Ustaz bolyp kóp shákirtter tárbıelegen úlken ǵalym bolǵan. Ol kim, qaıda bolǵan, qandaı eńbekteri bar ekenin qalyń jurtshylyq qaýym endi ǵana bile bastady.
