«Senim. Bilim. Ómir» RQB ekstremıstik uıym dep tanyldy - QR Bas prokýratýrasy
ASTANA. 8 maýsym. QazAqparat - 2012 jyldyń 7 maýsymynda Shyǵys-Qazaqstan oblysynyń mamandandyrylǵan aýdanaralyq ekonomıkalyq soty oblys prokýrorynyń talap aryzy boıynsha «Senim. Bilim. Ómir» Respýblıkalyq qoǵamdyq birlestigin ekstremıstik uıym dep taný, onyń qyzmetine tyıym salý jáne májbúrlep taratý týraly sheshim qabyldady.
Bul týraly QR Bas prokýratýrasynyń baspasóz qyzmeti habarlady.
Kórsetilgen birlestiktiń basshylary men belsendi músheleri osyǵan deıin Almaty qalasynyń Qylmystyq ister jónindegi mamandandyrylǵan sotynyń 2011 jyldyń 19 qazanyndaǵy úkimimen ártúrli merzimderge bas bostandyǵynan aıyrý jazasyna sottalǵan.
Osy kúshine engen sot úkimimen atalǵan birlestik músheleriniń dinı arazdyqty jáne alaýyzdyqty qozdyrýmen, azamattardy urlaýmen jáne olardy zańsyz bas bostandyǵynan aıyrýmen ushtasqan ekstremıstik qyzmeti rastalǵan.
