Senegalda jappaı tártipsizdik pen qaqtyǵys boldy
Senegalda oppozıtsııa kóshbasshysy Ýsman Sonkoǵa kóterilis jasady dep aıyp taǵylyp, onyń partııasy taratylǵannan keıin tártipsizdik bastaldy. Bılik ınternetti shektedi.
Qazirgi memleket basshysy Makı Saldi ashyq synǵa alǵan Ý.Sonko aldaǵy jyly aqpanda ótetin prezıdent saılaýyna qatysqysy keletinin jarııalaǵan bolatyn. Onyń tanymaldyǵy, ásirese jastar arasynda artyp jatyr jáne ol bılik etýshi partııaǵa qaýip keltirýi yqtımal. Maýsymda Ý.Sonko sábılerdi azǵyrǵany úshin eki jylǵa bas bostandyǵynan aıyrylyp, sonyń kesirinen saılaýǵa túsý múmkindiginen aıyryldy.
Makı Sal úshinshi ret saılaýǵa túspeıtinin jarııalady, biraq óz partııasynan úmitkerdi qoldaýy múmkin.
Saıası shıelenis uzaq ýaqyt boıy Batys Afrıkadaǵy demokratııanyń kórinisi bolyp sanalǵan eldi dúr silkindirdi. Senegal Nıgerdegi daǵdarysty eńserý jónindegi birlesken kúshke qatysatyn Afrıka elderiniń biri.
