Senegalda kórshi eldegi lańkestikten keıin 900 adam tutqyndaldy
ASTANA. QazAqparat - Senegalda polıtsııa Býrkına-Faso jáne Malıge shabýyldan keıin arnaıy operatsııa aıasynda 900 adamdy tutqyndady, dep habarlaıdy Bı-bı-sı.
Bıliktiń aıtýynsha, lańkestikpen baılanysy joq tutqyndaý sharasy Dakarda jáne Tıes qalasynda demalys kúnderi júrgizildi.
Islamshylar moıyndaryna alǵan Malıdegi qonaqúıge, sondaı-aq Býrkına-Fasodaǵy qonaqúı, meıramhanaǵa jasalǵan shabýyl óńirdegi qaýipsizdik sharalaryn kúsheıtýge negiz boldy.
Senegal salystyrmaly túrde ǵana qaýipsiz oryn sanalady, alaıda el ataqty týrıstik oryn bolyp qala beredi.
Ótken aptada Senegal úkimeti qonaqúılerge qaýipsizdikti kúsheıtýge nusqaý berdi.
Kýágerler kóshede polıtseılerdiń kóbeıgenin, kólikterdi tekserý jıilegenin aıtýda.
