Senegal jaǵalaýynda mıgranttar mingen qaıyq sýǵa batyp ketti
ASTANA. KAZINFORM — Senegal jaǵalaýynda mıgranttar mingen qaıyq sýǵa batyp, 12 adam mert boldy. Bul týraly Sınhýa agenttigi jazdy.
Senegal aqparat agenttiginiń habarlaýynsha, sársenbi kúni tańerteń Senegaldyń batysyndaǵy Mbýr departamentiniń Joal-Fadıýt jaǵalaýynda mıgranttar mingen qaıyq aýdarylyp ketken. On eki máıit tez tabylǵan.
Kúsh qurylymdaryndaǵy derekkózder oqys oqıǵada kóz jumǵandardyń sany ózgerýi múmkin ekenin aıtady. Apatta tiri qalǵan 35 adam oqıǵanyń mán-jaıyn anyqtaý úshin jergilikti jandarmerııaǵa tapsyryldy.
Jergilikti ýaqyt boıynsha tańǵy saǵat 05:00 shamasynda oryn alǵan apattyń naqty sebebi, borttaǵy jolaýshylardyń sany áli anyqtalmaǵan.
Aıta keteıik, Lıvııa armııasy Bas shtabynyń bastyǵy mingen ushaq Túrkııa aýmaǵynda apatqa ushyrady.
Túrkııa ushaq apatyna qatysty tergeýdi bastady. Aýa-raıynyń qolaısyzdyǵy men joldy laı basyp qalǵandyqtan qutqarýshylar oqıǵa ornyna jaıaý jetti.