Senegal premer-mınıstri qyzmetinen bosatyldy
ASTANA. KAZINFORM — Senegal prezıdenti Bassırý Dıomaı Faı úkimet basshysy Ýsman Sonkony qyzmetinen bosatý týraly jarlyq shyǵardy, dep habarlaıdy TASS.
Tıisti qaýly RTS telearnasynda oqyldy. Jańa premer-mınıstrdi taǵaıyndaý ýaqyty men onyń aty-jóni jarııalanbady.
Dakaractu jańalyqtar portaly Sonkonyń jumystan bosatylýy is júzinde búkil úkimettiń taratylǵanyn bildiredi dep atap ótti.
Prezıdent mınıstrlerge jańa úkimet taǵaıyndalǵanǵa deıin jumys isteýdi tapsyrdy.
Prezıdent pen premer-mınıstrdiń qarym-qatynasy 2025 jyldyń sońynda eldiń saıası jáne ekonomıkalyq baǵyty máselelerine baılanysty nasharlady. Bul jaǵdaı Faı men Sonko uzaq ýaqyt boıy oppozıtsııany basqaryp, jaqyn odaqtas bolǵanyna qaramastan boldy.
Aıta keteıik, 2024 jyldyń naýryzynda Faı prezıdenttik saılaýda jeńiske jetti. Qylmystyq úkimine baılanysty saılaýǵa qatysýǵa quqyǵy joq Sonko Faıdyń kandıdatýrasyn maquldady. Inaýgýratsııa kúni Faı Sonkony úkimet basshysy etip taǵaıyndady.
