Senegal BRIKS-ke qosylýy múmkin

ASTANA. KAZINFORM — Senegal BRIKS-ke qosylý jóninde kelissózder júrgizip jatyr. Bul týraly eldiń syrtqy ister mınıstri ıAsın Fall málimdedi, dep jazady TASS.

Onyń aıtýynsha, Senegal óziniń turaqtylyǵy, resýrstary jáne ındýstrııalandyrýǵa umtylysy arqyly birlestikke úles qosa alady.

Seneplus portalynyń málimetinshe, Fall BRIKS-tiń pikir almasý jáne kommertsııalyq resýrstarǵa qol jetkizý úshin keńirek múmkindik beretin platforma ekenin atap ótti.

2006 jyly qurylǵan BRIKS Brazılııa, Reseı, Úndistan, Qytaı jáne 2011 jyly qosylǵan Ońtústik Afrıka Respýblıkasyn biriktiredi. 2024 jyldyń tamyzynda birlestik qatary Mysyr, Iran, BAÁ, Saýd Arabııasy jáne Efıopııamen tolyqty. Bul rette Argentına 2023 jyldyń sońynda oǵan qosylýdan bas tartty. 2024 jylǵy qazan aıynda Kazanda ótken sammıtte «seriktes elder» sanaty engizilip, oǵan Belarýs, Bolıvııa, Qazaqstan, Kýba, Malaızııa, Taıland, Ýganda, Ózbekstan jáne Nıgerııa kirdi. Alǵashynda seriktes atalǵan Indonezııa 2025 jyldyń 6 qańtarynan bastap tolyqqandy múshe boldy. 2025 jyldyń 1 qańtarynan bastap Brazılııa BRIKS-ke tóraǵalyq etedi.

Buǵan deıin Senegaldaǵy prezıdent saılaýynda eń jas kandıdat jeńiske jetkeni anyqtaldy.