Senbilikte úzdik selfı jasaǵan astanalyqtar syılyqqa ıe bolady
ASTANA. QazAqparat - Senbilikke shyǵyp, úzdik selfı jasaǵan astanalyqtarǵa syılyqtar taratylmaq, dep habarlaıdy QazAqparat tilshisi.
«Biz Saryarqa boıynsha dástúrli selfı-baıqaý jarııalaımyz! Astananyń tazalyǵyn qoldaıtynyńdy bildir. 22 qyrkúıek kúni ekologııalyq aılyq aıasynda jalpyqalalyq senbilikke qatys ta, óz qalańdy qalaı qurmetteıtinińdi kórset. Seniń isiń kópke úlgi bolsyn. Bizdiń tazalyq pen tártipke mahabbatymyzdy tanymal ete túseıik. Senbilik degen keremet sharýa. Qoqys tastamaý kerek! Biz birlese otyryp, óskeleń urpaqqa tártip pen tazalyqty úırete alamyz. Eń kreatıvti senbilikke shyqqandardy ádettegideı syılyq kútip tur», - dedi Astana qalasy Saryarqa aýdanynyń ákimi Arman Turlybek Facebook paraqshasynda.
Selfı-baıqaýǵa qatysý sharttary jeńil. ıAǵnı, 22 qyrkúıek kúni senbilik barysynda selfı jasap, ony #tazasaryarqa #chıstaıasaryarka heshtegterimen Facebook-te jarııalaý kerek.
